“Students Of The Year* නළු වරුන් ධවාන්-2014/07/21

සමහරැන්ට මම රඟපාද්දි ගෝවින්දව මතක් වෙනවලු

-          “Students Of The Year* නළු වරැන් ධවාන්

-         “Students Of The Year* නළු වරැන් ධවාන්

       

     මදාරා ගුණතිලක

     

    පසුගිය කාලයේ බොලිවුඩය පුරා පුවත් මැවූ යුවළ බවට පත්වූයේ වරැන් ධවාන් සහ ආලියා භත්ය.නැගී එන නළු- නිළි දෙපළක් වන මොවුන් ආදරවන්තයන් බවත්,ආලියා භත් විසින් වරැන් ධවාන්ගෙන් ප්‍රසිද්ධියේම ආදරය අයැද සිටි බවත් ඇතැම් මාධ්‍ය සඳහන් කරයි.එසේම කරන් ජොහාර් නිෂ්පාදනය කළ නවතම චිත්‍රපටය වූ“හම්ප්ටි ෂර්මා කි දුල්හානියා* හි ප්‍රධාන චරිත රෑපණය කරන්නේද මේ දෙපළ(ආලියා - වරැන්) බැවින් මෙම සැකය වඩාත් තීව්‍ර වී තිබේ."Student of the Year" චිත්‍රපටය හරහා සිනමාවට පිවිසි වරැන්,මේ වෙනුවෙන් ගිය වසරේදී සම්මාන ද්විත්වයක් දිනා ගැනීමට සමත් වූ අතර එම සම්මාන ද්විත්වයම හිමිවූයේ හොඳම නැගී එන නළුවා  වශයෙනි.කරන් ජොහාර් විසින් අධ්‍යක්ෂණය කළ මෙම චිත්‍රපටය වෙනුවෙන් තවත් සම්මාන උලෙළ අටකදී හොඳම නැගී එන නළුවා සම්මානයට නිර්දිෂ්ටිත ඔහු, සිනමා තරැවකගේ ලක්ෂණ දැනටමත් පහළ කළ නළුවෙකි.මේ ඒ පිළිබඳව සහ ඔහුගේ සිනමා ජිවිතය ගැන ෆිල්ම්ෆෙයාර් සඟරාව කළ විමසීමකි.

    

     දැන් ලොකු නළුවෙක් නේද ?

  

     තාම පටන් ගත්තා විතරයි.තව යන්න හුඟාක් දුර තියෙනවා.ජීවිතයට ලබා ගත යුතු දේවල් බොහොමයි.ඒ නිසා “හම්ප්ටි ෂර්මා කි දුල්හානියා* චිත්‍රපටය මගේ ජීවිතයේ හැරවුම් ලක්ෂ්‍යයක් වේවි.මගේම ප්‍රේක්ෂකයන් පිරිසක් නිර්මාණය කර ගන්න ඒ චිත්‍රපටය හුඟක් උදව් වේවි.

    

    ආලියා භත් සමග තියෙන සම්බන්ධේ මොකක්ද ?

    

     ඒක තේරැම්ගන්න ටිකක් අමාරැ වෙයි.ආදරය වගේම අපි දෙන්නා තරහවත් බෙදාහදා ගන්නවා.තම තමන්ගේ දේවල් වෙනුවෙන් හැමවෙලාවෙම සටන් කරනවා.ඒ නිසා ආදරය ගැන අපි දෙන්නාගේ හිතේ තියෙන්නේ එකම ස්ථාවරයක්.හැබැයි මම හැම වෙලාවකම අවධානය යොමු කරන්නේ ආලියාගේ සෞඛ්‍ය තත්ත්වය ගැන.මොකද එයා ඒ ගැන සැළකිළිමත් වෙන්නේ නැහැ.හැබැයි එයත් මම ගැන හොයනවා.ඒත් ඒක වෙනස්.ඒත් මම කැමැතියි එයා මං ගැන හොයන විදිහට. 

    බොලිවුඩයේ හොඳම යාළුවෝ කව්ද ?

    

    ආලියා භාත්. ඊට අමතරව අධ්‍යක්ෂ වාර්මන් මගේ සමීපතම යාළුවෝ.

   

    සමහර ගති ගුණ හරිම අමුතුයි නේද ?

   

    ඔව්.සමහර වෙලාවට.මම කොහොමත් ලැජ්ජාකාරයෙක්.

   

   මීට කලින් නිෂ්පාදනය වුණු දුල්හානියා (දිල්වාලේ දුල්හානියා ලේ ජායේන්ගේ) 

    චිත්‍රපටය  ගැන මොකද හිතන්නේ?

    

    ඒකට දැන් සෑහෙන කාලයක් වෙනවා. මම ඒ කාලේ හුඟක් පොඩියි.

   

    කැමැතිම නිළිය ?

   

    ප්‍රීති සින්ටා.

    

    සති අන්තයේ මොකද කරන්නේ ?

    

    පහුගිය ටිකේ නම් ලෝක කුසලානය බැලුවා.නැත්නම් නිදාගන්න එක තමයි ඉතින්.මට හුඟක් මහන්සියි මේ දවස්වල.අනික මට තියෙන්නේ හරිම අවිවේකි කාල සටහනක්.ඒත් චිත්‍රපටය තිරගත කළාට පස්සේ නම් හිත සැහැල්ලුයි.

    

    අන්තිමට කොහේද නිවාඩුවට ගියේ ?

    

    සිංගප්පූරැවේ ගියා.මාස හතක් විතර හැම තැනම ඇවිද්දා.

    

   ජිවිතේදි මුලින්ම හාද්දක් දුන්නු දවස මතකද ?

    

    ඒක නම් හරියටම මතක නැහැ.මං හිතන්නේ ඉස්කෝලේදි තමයි.

    

    ජිවිතය සාර්ථක කර ගන්න නම් ?

    

සෞඛ්‍ය සම්පන්න වෙන්න ඕනේ.ඒක ශාරිරිකව වගේම මානසිකවත් වැදගත්.

    

    සරාගී නිළිය ?

    

   එහෙම එක් කෙනෙක් ගැන කියන්න බැහැ.ඒත් කැත්‍රිනා,දීපිකා,ශ්‍රද්ධා,ආලියා සහ 

    සෝනම් හුඟක් ලස්සනයි

   

   ආසම ගීතය මොකක්ද ?

   

   November rain (Guns n Roses චිත්‍රපටය) 

   

   රංගනයට පැමිණෙද්දි අවධානයට යොමු කළේ මොනවටද ?

    

    මම අවධානය යොමු කරන්නේ මගේ රංගනය ගැන.චිත්‍රපටය හොඳට කරන්නයි මට ඕනේ.ඒක බොක්ස් ඔෆිස් වාර්තා තියලා,ජනතාව අතරට ගියා නම්, ඒකයි වෙන්න ඕනේ.ඒ වගේම මට ප්‍රේක්ෂකයන්ගේ ඇගයීම් හුඟක් වටිනවා.ඒකෙන් තමයි මම සතුටු වෙන්නේ.ඒ නිසා යන ගමන ගැන සතුටුයි

    

    ආඩම්බරවෙන්න කාරණයක් තියෙනවද ?

    

    සිනමා පවුලකින් පැවත ඒම ගැන සතුටු වෙනවා.ඒත් වෙනස් යමක් කරන්නයි මට ඕනේ. අම්මටයි තාත්තටයි ආඩම්බර වෙන්න පුළුවන් පුතෙක් වෙන්න ඕනේ.

    

     ලැබුණු වටිනාම අවවාදය?

     

    මට කලාතුරකින් තමයි සමාජයෙන් අවවාද ලැබුණේ.ඒත් මගේ තාත්තා(චිත්‍රපට අධ්‍යක්ෂ ඩේවිඩ් ධවාන්) දුන්නු අවවාදයක් තියෙනවා.ඒක නම් අමතක වෙන්නේ කවදාවත්. ඒ තමයි සෑම රෑපයක්ම අන්තිම රෑපය කියලා හිතාගෙන නිර්මාණයට තමන්ගේ උපරිමය දෙන්න කියන අවවාදය.

    

    ලැබුණු හොඳම ප්‍රශංසාව ‍මොකක්ද ?

    

    සමහරැන්ට මම රඟපාද්දි ගෝවින්දව මතක් වෙනවලු.

මහේල අයියා වෙතටයි 2014/08/19

මහේල අයියා වෙතටයි,

හැමෝම මහේල අයියා ගැන කතා කරන මොහොතක මට ඔහු ක්‍රීඩා කරන මුල් අවධියේ ඔහු පිළිබඳ තිබෙන එකම අත්දැකීම ගැන වචනයක් නොකිව්වොත් ඒක හොඳ මදි.

මම ඒ දවස්වල හිටියේ හිඹුටානේ.ඉස්කෝලේ තුනේ නැත්නම් හතරේ පන්තියේ විතර ඇති.තාත්තත් එක්ක හවස වැඩ ඉවර වෙලා අපි ගෙදර ආවේ වෙනදා වගේම එකසිය හැට හතර බස් කට්ටේ.බේකරිය හන්දියෙන් බැහැලා උණු උණුවෙම පාන් අරන් යන්න වෙලාව බල බල හිටපු මට, එකපාරම දැකලා පුරුදු මූණක් බස් එකේ සෙනඟ අස්සෙන් පෙනුණා.මං හිතන්නේ ඒ අංගොඩ පොලිසිය පහුකරද්දි වෙන්න ඕනේ.මම පොඩ්ඩක් එබිලා බැලුවා.ඒත් හරියට බලාගන්න බැරිවුණා.මම ඒ පැත්තට යන්නත් හැදුවා.කොහොමත් හිතුවක්කාරයා නිසා තාත්තා මාව හයියෙන් අල්ලන් හිටියේ ඒත්.කොහොමහරි මොරගහ හන්දිය කිට්ටුවෙද්දි සෙනඟ අඩුවුණූ හින්දා යාන්තමට මහේල අයියාගේ මූණද මේ කියලා බලාගන්න මට පුළුවන් වුණා. දාඩිය පිරුණු,ඒ ඇස් දෙක හුඟක් මහන්සි පාටයි.ඔව් ඒ මහේල අයියාම තමයි.හැබැයි මම හුඟක් ඕනැකමින් බලද්දි මහේල අයියාට ටිකක් ලැජ්ජා හිතුණද මන්දා. මට එහෙම හිතුණා.කොහොම වුණත් බැට් එකත් උස්සගෙන,අනෙක් අතේ ක්‍රිකට් බෑග් එක උස්සන් තමයි මහේල අයියා එදා හිටියේ.අපේ ඉස්කෝලේට ආඩම්බරයක් ගේන මේ ක්‍රිකට් ක්‍රීඩකයාම තමයි මම මුලින්ම ඇත්තටම දැක්කේත්.අනූහයේ ලෝක කුසලාන අවසන් මහා තරගයෙන් පස්සේ ක්‍රිකට් පිස්සෙක් වුණු මට ඔබේ සමුගැනීම හුඟක් ආඩම්බර දවසක් වෙන්නේ ඒ හින්දයි.අම්මාට එදා මහේලව දැක්කා කියලා කියනකම් ඉවසිල්ලක් නැතිවුණු මට,අද ඔබ වීරයෙක් වෙන්නේ ඒ හින්දයි.එදා වචනයක්වත් කතාකරන්න බැරුව ඊළඟ හෝල්ට් එකෙන් බහින්න සිද්ධ වුණත්,අද ඔබේ සමුගැනීම මට සංවේදී වෙන්නේ ඒ හින්දයි.ඔබට ජය. 

මාලන් විදානපතිරණ

පුංචි බොරැල්ලේ බස් ස්ටෑන්ඩ් එකයි, එයාර්ටෙල් සිම් එකයි මතක් වුණා 2014.07.31

පුංචි බොරැල්ලේ බස් ස්ටෑන්ඩ් එකයි, එයාර්ටෙල් සිම් එකයි මතක් වුණා

ඉස්කෝලේ යන කාලේ අපිට තිබුණු ලොකුම පිස්සුවක් තමයි ෆෝන් සිම් පිස්සුව.වැඩියෙන්ම වාසි මොන සිම් එකද අපි එතැන.පුංචි බොරැල්ලේ තිබුණු ඔරලෝසු කඩේ ළඟ ඉඳන් අපි සෙට් එක වැඩියෙන්ම කතා කළේ ෆෝන් සිම්,ෆෝන්,සොෆ්ට්වෙයාර් වගේ දේවල්.සීඩී මාරු කරන්නෙත් ඔතැන තමයි.පෙන් ඩ්‍රයිව් මාරු කරන්නෙත් ඔතැන තමයි. මොකද කොච්චර බස් ආවත් කතාව ඉවරයක් කරගෙන තමයි අපි එතැනින් බස් එකට නැග්ගේ.ඒ හින්දා මොකෙක් හරි ඉස්සර වුණොත් එදාට උෟ බයිට් වෙනවා.

ඔය කාලේ තමයි එයාර්ටෙල් සිම් එක ලංකාවට ආවේ.ෂාරුක් ඛාන්ගේ ඇඩ් එකයි, එයාර්ටෙල්ගේ ප්‍රමෝෂන් එකටයි ඒ දවස්වල අපි ඇදිලා ගියා.විශේෂයෙන්ම රුපියල් සීයක් දීලා සිම් එක ගත්තම රුපියල් සීයක් නිකම් කතා කරන්න හම්බවෙන්න ට්‍රෙන්ඩ් එක ගෙනාවේ එයාර්ටෙල්.ඒ නිසා එයාර්ටෙල් බ්‍රාන්චස්වල මාර පෝලිමක් තිබුණේ.අපේ එවුනුත් ඒ පෝලිමේ හිටියා.ඉතින් ඉස්කෝලේ ඇරුණට පස්සේ ගෙදර ගියා කියලා හිතපු එවුන් බලනකොට බොරැල්ලේ, සිම් ගන්න හෙන පොරේ.

ඒ අස්සේ ඇඩ් එකට වශී වෙලා හිටපු මට එයාර්ටෙල් සිම් එක අරන් මිසක් ගෙදර යන්න බැරිවුණා.ඉතින් පෝලිම්වල ඉන්න බැරිව කට්ටිය ගෙවල්වල යද්දි මම ගියා නාරාහේන්පිට තිබුණු හෙඩ් ඔෆිස් එක.ඒ හින්දා මුදිතත් එක්ක එදා බස් එකේ ගිහින් රාජගිරියෙන් බහින්න හිටපු මං,බොරැල්ලෙන් බැහැලා නාරාහේන්පිට ගියා.ඒත් ඉස්කෝලේ කිට ගහගෙන නාරාහේන්පිටටට යනකොට එතැනත් පෝලිම්.හැබැයි ආපහු හැරිලා යන්නත් බැහැ දැන් ඉතින්.හැබැයි ඉස්කෝලේ කොල්ලෙක්ට හිටියෙත් මං විතරයි.කොහොම හරි සිම් එක දෙන්න සල්ලි ඉල්ලද්දි තමයි කරපු ගොන්කම තේරුණේ.අතේ තිබ්බෙත් එකසිය පණහක්ද කොහෙද.ඉතින් දුන්නා සල්ලි. සල්ලි මදිවෙයි කියලා බයට ගියා බොරැල්ලටම පයින්. එතකොට තමයි මුදිත කෝල් කළේ. ඒ කාලේ ඒ ලෙවල් අන්තිම අවුරුද්දේ හිටපු නිසා අපි ෆෝන් ගෙනිච්චා.(ගෙනිච්ච විදිහ අහන්න එපා)

“ඒ මචං උඹ සිම් එක ගත්තද බං “ ඌ ඇහුවා.

“ ගත්තා බං.ඒත් රුපියල් සීයක් ගෙවන්න ඕනේ. රීලෝඩ් එකට.මම හිතුවේ නිකම් කියලා.හැබැයි කැමැති නොම්මරයක් ඉල්ලන්න පුළුවන්“ මං කිව්වා.

“එහෙමද“

“ මම තාම මග බං.“

“ඒක තමයි ගෙදරින් මට කතා කළා. ඒකයි මම මේ කෝල් කළේ. උඹ ගෙදර නෙමෙයිද තාම?“

“නෑ බං“

එතකොටත් හවස තුන පහුවෙලා. අපේ ගෙදරින් මුදිතට කතා කරලා.මොකද මම එයාර්ටෙල් සිම් එක දාන්න ඕන නිසා පරණ සිම් එක අයින් කරලා තිබ්බේ.පස්සේ තමයි ආයෙත් පරණ සිම් එක දැම්මේ.ඒ වෙලාවේ තමයි ඌ කතා කළේ.අනික බොරැල්ලටම පයින් යද්දි මටත් පොඩි අවුලක් තේරුණා. එක එක එවුන් මං දිහා අමුතු අමුතු විදිහට බැලුවා. හැබැයි කාටවත් බය නොවී මගේ පුරුදු පාරේ ගෙදර යන්න මට එදා පුළුවන්කම ලැබුණා.හැබැයි ඇපලෝ හොස්පිට්ල් එක පහුකරගෙන, ආසිරි හොස්පිට්ල් පහුකරගෙන, බොරුල්ල කනත්තත් පහුකරගෙන බලු බල්ලෙක්වත් නැති ඒ වෙලාවේ තනියෙන් ගිය ඒ ගමනේ අවදානම දැන් තමයි තේරෙන්නේ.

ඒත් එදා කරපු වැඩ ගැන මට දැන් මතක් වෙනකොට පුදුමත් හිතෙනවා.මුදිත,දේවින්ද,හරේන්ද්‍ර අපි සෙට් එක බස් හෝල්ට් එකේ කරපු විකාර මතක් වෙද්දී හිනාත් යනවා.ලංකාත් එනවා සමහර දවස්වලට ග්‍රිෆන් එක්ක.එදාට මම උන් එක්ක යන්නේ රාජගිරියෙන් බැහැලා.

හැබැයි මගේ කැප් එක තමයි අපේ සෙට් එකට අල්ලන්නෙම නැති භාණ්ඩේඩේ.විශේෂයෙන්ම දේවින්ද උඹ තමයි මගේ අහිංසක කැප් එකට ඉන්න දුන්නේ නැත්තේ.ඉතින් උඹ දැක්කම මම කරන්නේ කැප් එක බෑග් එකේ දාගන්න එක.නැත්නම් ඒක හම්බවෙන්නේ රාජගිරියෙන් බහිද්දි.

හැබැයි උඹලා බෑග් එක රාක්කේ දැම්මම ඒකට හොඳ ගැටයක් ගහන්න නම් අමතක කෙළේ නැහැ කවදාවත්.ඒක ලිහන්න විනාඩි පහක් දහයක් යනවා.කලබල වුණාම වැඩේ අල වෙනවා.ආයුර්වේදේ කිට්ටු වෙද්දි මම බෑග් එක අතට ගන්නේ ඒකමයි. මොකද නැත්නම් මට හැමදාම බහින්න වෙන්නේ රාජගිරියට පස්සේ හෝල්ට් එකේ.කොහොම වුණත් අපි දැන් හැමෝම තැන් තැන්වල.දේවින්දයා නම් බැඳලා පිළිවෙළක් වෙලා.ඒත් අපි කෙළපු පිස්සු පුංචි බොරැල්ලේ බස්හෝල්ට් එකේ හැමදාම තියෙයි. (එහෙම තමයි මේ කතාව ඉවර කරන්න වෙන්නේ)

මගේ පුටුව ආක්‍රමණය කළ ජිල් බුට්ටා -2014/04/18

අට වසරේ විද්‍යාව උගන්නපු මුතුකුඩ මිස්ට මම තාම බයයි.ඒ නපුරු සැර මූණ මට තාම මැවිලා පේනවා.ඒ නිසාමයි දවසක් පරක්කු වෙලා පන්තියට එන මම, මුතුකුඩ ටීචර් ඈත එනවා දැකලා පන්තියට හයියෙන් දිව්වේ. මොකද මුතුකඩ ටීචර්ගේ පන්තිය පාස් කරගෙන තමයි අපේ පන්තියට යන්න තිබ්බේ. ඒත් එදා ඒ ඉක්මන කොට වුණා.මුතුකුඩ ටීචර්ගේ පන්තියේ ළමයෙක්ගේ කකුලේ මම හැප්පුණා. මගේ මතකය නිවැරදි නම් මම හැප්පුණේ Thivanka Madusanka ගේ කකුලේ නිකට කඩාගත්ත මම නතරවුණේ කොළඹ ජාතික රෝහලේ හදිසි අනතුරු අංශයේ.ඉන්පස්සේ සති දෙකක් විතර ඉස්කෝලේ නොගිහින් ගෙදර ඉන්න මට සිද්ධ වුණා.

ඒ අතරේ අපේ පන්තිය අලුත් වෙලා.මම මැහුම් පිටින්ම පන්තියට එද්දී මම වාඩිවෙලා හිටපු පුටුවයි ඩෙස්ක් එකයි වෙන කෙනෙක්ට අයිති වෙලා. හැබැයි මැහුම් දාගෙන පන්තියට ආපු මුල්ම දවසේ මම වේලාසනින් ආපු නිසා මට මගේ අයිතිය ආයෙත් හිමිවුණා.මට Kasun Piyamantha කිව්වා අලුත් ළමයෙක් පන්තියට ඇවිත් කියලා.එයා ප්රආවීණ සංගීතඥයකුගේ පුතෙක් කියලා කසුන් කිව්වා.මම බැලුවා කවිද මේ කියලා. ඒ Muditha Madawa උඹ මචං.මම දැක්ක මුල්ම දවසේ ඉඳන්ම උඹ හිනාමුසු මුහුණින් තමයි පන්තියට ආවේ.ඩෙස්ක් එකකයි පුටුවකයි ප්රරශ්නයක් තිබ්බත් අපි ඒක සාම සාකච්ඡාවලින් බේරාගත්තා. ඒත් මගේ හිතේ විශාල කුතුහලයක් තිබ්බා එදා උඹ එක්ක කතා කරනකම්.උඹ Navarathna Gamage පුතා කියලා දැනගත්තට පස්සේ මට මේක තාත්තාට කියනකම් ඉවසිල්ලක් නැතුව ගියා. ඉන්පස්සේ අපේ තාත්තා සහ නවේ අන්කල් මේ ගැන දැනගන්නකම් තත්පරයක්වත් ඉන්න මට බැරි වුණා.ඒ එක්කම උඹේ තාත්තගෙන් කෝල් එක ආවා(මට ඒක නම් මතක නැහැ). මට හරිම සතුටුයි. එදා ඉඳන් අපි දෙන්නගේ මිත්රආත්තවය දවසින් දවස අලුත් වුණා.

මට මතකයි දවසක් මුතුකුඩ මිස් නැති දවසක අලුත් D.P සර් ආවා. ඒ ප්රේ මරත්න සර්.සර් ඇවිත් ඇහුවා දැන් මොනවාද තියෙන්නේ කියලා.එතකොට විද්යාුව කිව්වම මොකක්දෝ සතුටක් සර්ට ඇතිවුණා. සර් කිව්වා මම දැන් ප්රිශ්නයක් අහනවා උත්තර දෙන්න කියලා. අපි ඔක්කොම තුෂ්නිම්භූත වෙලා හිටියේ.

“ඔය පිටිපස්සේ පේළියේ බිත්තය කෙළවර ඉන්න ළමයා නැගිටින්න“ සර් කිව්වා.

එතැන හිටියේ Muditha උඹ.උඹ ඇවිල්ලා දවස් ගාණයි ගත වෙලා හිටියේ. මම බැලුවා උඹේ මූණ දිහා. උඹ ටිකක් බයවෙලා හිටියේ.ඒත් උඹ ඒ බය නොපෙන්නා ඉන්න විශාල උත්සාහයක් ගත්තා.

“පූටිකාවක් යනු කුමක්ද ?“ සර් ඇහුවා.

කට්ටිය තක් බීරි වුණා.මොකද ඔය පාඩම ඉස්සරහට තිබ්බ පාඩමක්.ඒ නිසා මට උඹ ගැන සිරාවටම දුක හිතුණා මචං.

උඹ දන්න විදිහටම උත්තරයක් දුන්නා. ඉන්පස්සේ සර් උඹ ගැන විස්තර ඇහුවා.හැබැයි උඹ තාත්තාගේ ජනප්‍රියත්වයෙන් ප්රුයෝජන ගන්න උත්සාහ කළේ නැහැ.ඒ ලක්ෂණය නම් උඹේ අදත් තියෙනවා.

අට වසරේ අන්තිම වාරය මට කවදාවත් අමතක වෙන්නේ නැහැ. හත වසරේ තමයි අපේ විභාග ශාලාව තිබ්බේ. ඒ කියන්නේ සංගීත කාමරේ උඩ තට්ටුව.  

මට ගණන්වලට වැඩිම ලකුණු තිබ්බේ අට වසරේ අන්තිම වාරේ (ලකුණු 90).ඒ වාරයේදී තමයි මම ගණන් පේපරේ ඉක්මනටම ඉවර කළේත්.ඉන්පස්සේ මම වටපිට බැලුවා.එතකොට උඹ මොකක්ද්දෝ ගාණක හිරවෙලා.එකපාරම උඹ මගේ දිහා බැලුවා.මම ඇහුවා උදව්වක් ඕනෙද කියලා. හැබැයි උඹ හිටියේ පන්තියේ අනික් කෙළවරේ.ඒත් මම ආයෙත් ඇහුවා. උඹ ඔළුව වැනුවා.උඹ අවදානමක් ගන්න කැමැති නැති බව මට තේරුණා එතකොට.

අපි ඉන්පස්සේ ඉස්කෝලේ වගේම ඉස්කෝලෙන් පස්සේ ආනන්දේ පිහිනුම් තටාකේදි හම්බවුණා. මම පොඩිපූල් එකේ පොඩි එවුන් එක්ක පුරුදු වෙනකොට උඹ ලොකු පූල් එකේ ලොකු එවුන් එක්ක පීනනවා මම දැක්කා.ආනන්දේ පැවිලියන් එකේ ඉඳගෙන උඹේ අම්මත් ඈත ඉඳන් උඹ දිහා බලන් ඉන්නවා මම දැක්කා.අපේ තාත්තාත් ටික වේලාවකින් එතැනට ආවා මාව එක්කන් යන්න.ඉන්පස්සේ තිබුණු මුල්ම Parents Meeting එකේදී අපේ අම්මත් උඹේ අම්මා එක්ක යාළු වුණා. මට හරි සතුටුයි. “දැන් අපි හැමෝම අනික් කෙනාව දන්නවා“.

මේ ලිවිල්ල එක්තරා පිස්සුවක් වෙන්න පුළුවන්.ඒත් ලිවිය යුතු දෙයක්.ඉන්පස්සේ නොයෙක් දේ සිදුවුණා.

අපි ඉන්පස්සේ නවය වසරේදිත් හම්බවුණා. උඹ පිටිපස්සේ මුල්ලකට ගිහින් බුලට් විදින්න හරිම දක්ෂයි. දවසක් ඉන්ද්‍රපාල සර්ට මාට්ටු වුණාම උඹ කිව්වලු “සර් මම කොහොමද බුලට් විදින්නේ මගේ රබර් පටියත් කැඩිලනේ“ කියලා. මොකද එවෙලේ රබර් පටිය කැඩිලලු තිබ්බේ. 

උඹ කඩ්ඩට පට්ට දක්ෂයෙක්. මොනවාට ලකුණු අඩු වුණත් කඩ්ඩට ලකුණු අඩු වුණොත් උඹට අප්සට්.නවය වසරේ එක වාරයකදි උඹට ලකුණු තිබ්බේ හැත්තෑවයි. ඒ වාරේදි මටත් හැත්තෑවයි.ඒත් මට සාපේක්ෂව මට නම් ඒ ලකුණු ගාණ ඉහටත් උඩින්.ඒත් උඹ අප්සට්. කියාගන්න බැරි දුකකින් හිටපු බව මට දැනුණා. මම හරි නම් උඹ ඒ වෙනකොට බ්‍රිටිෂ් කවුන්සිල් යනවා. ඒ නිසා වෙන්න ඇති.

ඒ කොහොම වුණත් උඹට නව වසරේදි පැපොල් හැදිලා සති ගාණක් ඉස්කෝලේ එන්න බැරි වුණා.ඒ නිසා නවේ අන්කල්ට උඹේ පොත් ටිකයි, රිපෝට් එකයි දුන්නේ මම. මොකද නවේ අන්කල් දැනන් හිටියේ මාව විතරයි එතකොට.

ඒ කොහොම වුණත් ඉන්පස්සේ උඹ අපිට සීඩි රයිට් කරලා දීපුවා,ෆිල්ම් දීපුවා,ලැප්ටොප් ගන්න ගිය දවසේ අපිත් එක්ක ඊට කලින් දවස් දෙකක් ඇවිත් ඒක අරන් දෙන්න උදව් කරපු එකට, සින්දු දීපුවා,මැෂින් කැඩුණාම ඒක හදලා දීපුවා කවදාවත් අමතක වෙන්නේ නැහැ.ඒකට මම අදත් උඹට මම ණයයි.  

සාමය වෙනුවෙන් මකරුන්ට එරෙහිව සටන් වදින කෝඩුකාරයෝ How to Train Your Dragon 2 2014/07/24

සාමය වෙනුවෙන් මකරැන්ට එරෙහිව සටන් වදින කෝඩුකාරයෝ

How to Train Your Dragon 2

Introduction

How to Train Your Dragon චිත්‍රපට මාලාවේ දෙවැන්න වන How to Train Your Dragon 2 චිත්‍රපටය මේ දිනවල වැල්ලවත්ත සැවෝයි ත්‍රිමාණ සිනමා ශාලාවේ සාර්ථකව තිරගත වේ.ඇමෙරිකානු චිත්‍රපටයක් ලෙසින් ඔබ වෙත පැමිණෙන මෙම ත්‍රිමාණ සජීවිකරණ චිත්‍රපටය ක්‍රියාදාමවලින් පිරි ෆැන්ටසි ගණයේ නිර්මාණයකි.

Crew

ඩ්‍රීම්වර්ක් ඇනිමේෂන් වෙනුවෙන් බොනී ආනොල්ඩ් නිපැයූ මෙම චිත්‍රපටයේ කතාව සඳහා පාදක වන්නේ ක්‍රෙසිඩා කොවෙල් විසින් රචනා කරන ලද How to Train Your Dragon තුන් ඈඳුතු කතා මාලාවයි. 2010 වසරේදී කළ පළමු චිත්‍රපටයෙන් ලද සාර්ථකත්වය මෙහි දෙවැන්නක් සඳහා බලපෑ අතර විචාරකයන්ගෙන්ද ධනාත්මක විචාරයන්ට බඳුන් වීම මීට ප්‍රබල ලෙස බලපෑවේය.කෙසේ වෙතත් මෙවර චිත්‍රපටයේ තිර රචකයන් මෙන්ම අධ්‍යක්ෂවරයාද වෙනස්වීමට බඳුන් වී ඇති අතර ක්‍රිස් සෑන්ඩර්ස් සහ ඩීන් ඩේබ්ලොයිස් සම අධ්‍යක්ෂණය කළ පළමු චිත්‍රපටයේ අධ්‍යක්ෂණය මෙවර ඩීන් ඩේබ්ලොයිස්ට පමණක් භාර දී තිබේ.එසේම විල් ඩේවිස්,ඩීන් ඩේබ්ලොයිස් සහ ක්‍රිස් සෑන්ඩර්ස් සම තිර රචනය කළ පළමු චිත්‍රපටයේ මෙවර තිර රචනයට ඩීන් ඩේබ්ලොයිස් පමණක් දායක වී ඇත.

Synopsis 

හිකප් ඇතුළු යහළුවන් දැන් කෝඩුකාර ගැටවරයන්ය.කෙසේ නමුත් නැවතත් අභියෝගයකට සැරසීමට ඔවුන්ට සිදුවේ.ඒ මකර තරගයකටයි.එහෙත් මෙවර පිටස්තර ලෝකයන් සොයා යන ඔවුන් ගගන අතික්‍රමණය කරයි.අලුත් ලෝකයන් දකිමින්,ඒවායේ සිටින අභියෝගාත්මක මකරැන් සමගින් සටන් වදී.සාමය සුරුකීමට දැඩි වෙහෙසක් දරයි.ඒ අනුව මකරැන්ගේ බලයෙන් වෙනස් විය හැකි අනාගතය රුක ගැනීමට හිකප් ප්‍රමුඛ යහළු කැල සමත් වේද ? චිත්‍රපටයේ කතා රසය ඇත්තේ එතැනයි.   

Cast -  Voice

හිකප් -ජේ බරැචෙල්

වැල්කා - කේට් බ්ලැන්චෙට්

ස්ටොයික් - ජෙරඩ් බට්ලර්

ගොබර් - ක්‍රෙග් ෆර්ගසන්

ඇස්ට්‍රිඩ් - ඇමෙරිකාන ෆෙරෙරා

ස්නොට්ල්අවුට් -ජොනා හිල්

Production

නිෂ්පාදකවරැන් විසින් How to Train Your Dragon චිත්‍රපටයේ දෙවැන්නක් නිර්මාණය වන බව 2010 වසරේ අප්‍රේල් මාසයේදීම නිවේදනය කළ අතර එය මේ වසරේ ජුනි මස නිකුත් කිරීමට පළමුව පිඹුරැපත් සැකසිණ.එහෙත් මෙවර ඩේබ්ලොයිස්ට පමණක් අධ්‍යක්ෂණ කාර්යය පවරද්දි ඔහු ඊට කොන්දේසියක් පැනවූ අතර එය නම් තමන්ට මෙහි තෙවැනි චිත්‍රපටයත් ලබාදෙන්නේ නම් පමණක් මෙය අධ්‍යක්ෂණය කරන බවයි.ඊඨ එකඟවීමත් සමග 2012 වසරේ ජුනි මස 19 වැනිදා මෙහි නිර්මාණ කටයුතු ඇරඹුණු අතර පළමු චිත්‍රපටයේ හඬ නළුවන් දෙවැන්න සඳහාත් යොදා ගන්නා බැව් නිවේදනය කෙරැණි.පළමු චිත්‍රපටයේදී උතුරැ මුහුද මෙහි ප්‍රධාන පසුබිම වුවද දෙවැන්නේදී එය බොහෝ දුරට වෙනස්කම්වලට භාජනය වූ අතර එය වෙනස්ම ක්‍රමවේදයකට සිදුවිණ.එසේම මෙහිදි නිෂ්පාදන සංවර්ධන නිර්මාණකරැවන් දොළොස්දෙනෙකු පමණ නෝර්වේහි දීර්ඝ කාලයක් මෙහි පර්යේෂණය කටයුතු වෙනුවෙන් වැය කළ අතර අධ්‍යක්ෂ ඩේබ්ලොයිස් සමග ඩ්‍රීම්වර්ක්ස් නිෂ්පාදන සමාගමේ වෘත්තාන්තමය අංශයේ ප්‍රධානී ග්‍රෙග් ටේලර් සහ දෘශ්‍ය රෑප උපදේශක රොජර් ඩීකින්ස්ට මෙහිදී මේ වෙනුවෙන් දැඩි පරිශ්‍රමයක් දැරීමට සිදුවිණ.2002 වසරේ තිරගත වූ Lilo and Stitch චිත්‍රපටය මෙහිදී විශේෂයෙන්ම භාවිතයට ගැනිමට සිදුවූ බව පවසන අධ්‍යක්ෂවරයා,සජීවිකරණ චිත්‍රපටයකදි නිෂ්පාදනයට පෙර බොහෝ තැන්වල සංචාරය කළ යුතු බවද මෙම චිත්‍රපටයෙන් පසුව පැවැති සම්මුඛ සාකච්ඡාවකදී පැවසුවේය.ජෝන් පවෙල්ගේ සිනමා සංගීතයෙන් නාද රටා සිත්තම් වූ මෙම චිත්‍රපටය නව වාර්තාවක් තබන්නේ Scalable multi-core processing තාක්ෂණය යොදා ගනිමින් කළ පළමු සිනමා නිර්මාණය ලෙසයි.එසේම නව සජීවිකරණ සහ ආලෝකකරණ තාක්ෂණික මෘදුකාංගයක් යොදා ගනිමින් කළ පළමු චිත්‍රපටය ලෙස සැළකෙන මේ හරහා සංවේදී භාව සියුම්ව රෑපණය කිරීමට නිර්මාණකරැවන් සමර්ථකම් දක්වා ඇත. ඒ අනුව සමස්ත නිෂ්පාදනය වෙනුවෙන් පන්සියයක අධික පිරිසක් තම ශ්‍රම දායකත්වය ලබා දී ඇති විදෙස් වාර්තා සඳහන් කරයි.

Release

මේ වසරේ පැවැති කෑන්ස් චිත්‍රපට උලෙළේදී මැයි මස 16 වැනිදා පළමුවරට ප්‍රදර්ශනය වූ How to Train Your Dragon 2,නිල වශයෙන් තිරගත වීම ඇරඹුණේ ජුනි මස 13 වැනිදාය. මෙය IMAX 3D තාක්ෂණය ඔස්සේ මෙදිනම තිරගත වූ අතර මේ වසරේ නොවැම්බර් මස 11 වැනිදා ඩීවීඩී පට සහ බ්ලූ - රේ (2D සහ 3D) වශයෙන් නිකුත් වීමට නියමිතයි.

Box Office

පළමු දිනදී ඇමෙරිකාවෙන් පමණක් ඇ.ඩො. මිලියන 18.5ක ආදායමක් අත්පත් කර ගත් How to Train Your Dragon 2 චිත්‍රපටය, පළමු සති අන්තය නිම වන විට ඇ.ඩො. මිලියන 50කට ආසන්න ආදායමක් උතුරැ ඇමෙරිකාවෙන් වාර්තා කිරීමට සමත් විය. ඒ අනුව මෙම චිත්‍රපටය පසුවූයේ එම සති අන්තයේදී වැඩිම ආදායමක් උපයා ගත් චිත්‍රපට අතර දෙවැනි ස්ථානයේය. මෙය දෙවැනි වූයේ “22 jump Street* චිත්‍රපටයට පමණි.දෙවැනි සති අන්තයේදී තවත් ඇ.ඩො. මිලියන 24ක අත්පත් කර ගනිමින් චිත්‍රපට දර්ශකයේ තුන්වැනි ස්ථානයට පත් මෙම චිත්‍රපටය තෙවැනි සති අන්තයේදීත් තෙවැනි ස්ථානයේම රුඳී සිටියේ  තවත් ඇ.ඩො. මිලියන 13කට අධික ආදායමක් අත්පත් කර ගනිමිනි.එහෙත් සිව්වැනි සති අන්තයේදී පස්වැනි ස්ථානය දක්වා පල්ලම් බසින ලද මෙම චිත්‍රපටය එම සති අන්තයේදී තවත් ඇ.ඩො. 9කට ආසන්න ආදායමක් උපයා ගැනීමට සමත් විය.මේ අනුව පසුගිය 17 වැනිදා වන විට ඇ.ඩො. මිලියන 160කට ආසන්න ආදායමක් උතුරැ ඇමෙරිකාවෙන් පමණක් උපයාගෙන,සෙසු රටවලින් අත්පත් කරගෙන සමස්ත ආදායම ඇ.ඩො.මිලියන 200කට ආසන්නය. “How to Train Your Dragon 2* චිත්‍රපටය මේ වන විට උපයාගෙන ඇති සමස්ත ආදායම ඇ.ඩො.මිලියන 350 ඉක්මවන්නේය.    

Sequel

How to Train Your Dragon චිත්‍රපට මාලාවේ මීළඟ චිත්‍රපටයේ නිෂ්පාදන කටයුතුද මේ වන විට ආරම්භ වී ඇති අතර එය නම් කර ඇත්තේ How to Train Your Dragon 3 ලෙසිනි.එම චිත්‍රපටය 2016 වසරේ ජුනි මස 17 වැනිදා තිරගත කිරීමට නිෂ්පාදන කණ්ඩායම සැලසුම් කර ඇත.මෙහි අධ්‍යක්ෂණය,නිෂ්පාදනය මෙන්ම හඬ නළුවන්ද පළමු චිත්‍රපට ද්විතවයේම නිර්මාණකරැවන් බව මේ වන විට තහවුරැ වී ඇති අතර ජෝන් පවෙල්ද මෙහි සංගීත නිර්මාපකයා ලෙස තෙවැනි චිත්‍රපටයට නැවතත් එක්වීමට නියමිතයි.

Video Game

පසුගිය මාසයේ නිකුත් වූ මෙම වීඩියෝ ක්‍රිඩාව නිර්මාණය කර ඇත්තේ ලිට්ල් ඕර්බිට් නම් සමාගම විසිනි. How to Train Your Dragon 2 ලෙසින්ම නම් කර ඇති මෙම ක්‍රීඩාව,මකරැන් තෝරා ගනිමින් ඔවුන් සමගින් තරග කළ හැකි ආකෘතියකට නිමවා ඇති අතර පුහුණුවීමේ කාල සීමාවක් මෙන්ම පියාසර කිරිම සඳහාද පාසැලක් ලබා ගනිමින් නියැලිය හැකි ආකාරයට සැලසුම් කර ඇත.එහෙත් මෙහි ක්‍රීඩා කළ හැක්කේ Xbox 360, Nintendo 3DS, Wii, Wii U හෝ PlayStation 3 තාක්ෂණය ඇති වැඩසටහන්වල පමණි.

මාලන් විදානපතිරණ              

Mgovindaw@gmail.com