අනාවැකි පළ කළ නොහැකි කාන්ස් චිත්රපට උලෙළ
ප්රධාන ජූරියේ ස්ටීවන් ස්පීල්බර්ග්
Introduction
ජාත්යන්තර සිනමා විචාරකයන්
වැඩි දෙනෙකුගේ අවධානය දිනා ගත් කාන්ස් චිත්රපට උලෙළ මේ වන විට ප්රංශයේ කාන්ස්
නුවරදී පැවැත්වේ.66 වැනි වරටත් පැවැත්වෙන මෙම උලෙළේ මෙවර විශේෂත්වය වන්නේ ඔස්කාර්
සම්මාන උලෙළේදී සම්මාන දිනා ගත් හෝ නිර්දේශිත චිත්රපට කිසිවක් මීට ඇතුළත්ව
නොතිබීමයි. 1946 වසරේදී මුල් වරට පැවැති මෙම සම්මාන උලෙළේ මෙවර පළමු චිත්රපටය ලෙසින් ප්රදර්ශනය වන්නේ The Great
Gatsby චිත්රපටයයි.එසේම චිත්රපට
උළෙල අවසන් වන්නේ Zulu ප්රංශ චිත්රපටයෙනි.කෙසේ
වුවත් මෙවර ප්රධාන ජූරි සභාවේ මුලසුන ගෙන කටයුතු කරන්නේ සුපිරි චිත්රපට අධ්යක්ෂ
ස්ටීවන් ස්පීල්බර්ග් වීමත් සුවිශේෂී විශේෂත්වයකි.
එබැවින් මෙවර තරැණයා අවධානය යොමු කරන්නේ පසුගිය 15 වැනිදා සිට 26 වැනිදා
දක්වා පැවැත්වෙන මෙම චිත්රපට උලෙළ පිළිබඳවයි. ඒ අනුව අපි උලෙළේදී තරග වදින ප්රධාන
චිත්රපට කිහිපයක් පිළිබඳ අවධානය යොමු කිරීමට කැමැත්තෙමු.
Competition
ෆර්හාඩිගෙන් ප්රංශ චිත්රපටයක්
!
2012 වසරේ පැවැති ඔස්කාර්
සම්මාන උලෙළේදී හොඳම විදෙස් චිත්රපටයට හිමි සම්මානය දිනා ගත්තේ A Separation චිත්රපටයයි.එය අධ්යක්ෂණය කළේ ඉරාන චිත්රපට
අධ්යක්ෂවරයෙක් වන අස්ගාර් ෆර්හාඩි විසිනි.එසේම ඔහු මේ වසරේ ප්රේක්ෂකයා වෙත තිළිණ
කරන චිත්රපටය වී ඇත්තේ The Past ප්රංශ සිනමාපටයයි. දැනට
චිත්රපට පහක් නිර්මාණය කර ඇති ෆර්හාඩිගේ චිත්රපටයක් කාන්ස් චිත්රපට උලෙළට තෝරා
ගැනුණු ප්රථම අවස්ථාව මෙයයි.මෙහි ප්රධාන චරිත නිරෑපණය කරන්නේ බෙරෙනයිස් බෙජෝ,
ටහර් රහීම් සහ අලී මොසාෆාය.කෙසේ වෙතත් මෙතෙක් තම මව් බස සිනමා නිර්මාණ සඳහා යොදා
ගත් ෆර්හාඩි,The Past චිත්රපටය ප්රංශ භාෂාවෙන් නිර්මාණය
කර තිබීම කැපී පෙනේ.
ඇමෙරිකාවෙන්
චිත්රපට පහක් ?
කාන්ස්
චිත්රපට උලෙළ සඳහා තේරී පත්වුණු චිත්රපට අතර මෙවර ඇමෙරිකානු චිත්රපට පහක් තිබීම
කැපී පෙනේ. එනම් මේ අතර ජනප්රිය චිත්රපට අධ්යක්ෂ ස්ටීවන් සොඩර්බර්ග්ගේ Behind the Candelabra, ඇලෙක්සැන්ඩ්රා පේන්ගේ Nebraska, ජේම්ස් ග්රේගේ The Immigrant, කොයෙන්
සහෝදරයන්ගේ Inside Llewyn Davis සහ ජිම් ජර්මුස්ක්ගේ Only
Lovers Left Alive වේ. එහෙත් මෙයින් පියානෝ වාදන ශිල්පියෙකු වටා ගෙතෙන මැට් ඩේමන් සහ
මයිකල් ඩග්ලස් ප්රධාන චරිත නිරෑපණය කරන Behind the
Candelabra චිත්රපටය සහ පිය පුතු දෙපළ තම උරැමකම් වෙනුවෙන්
මොන්ටානා සිට නේබ්රස්කා වෙත යන Nebraska චිත්රපටයද
අවධානයට ලක් වී ඇත.මීට අමතරව කාන්ස් චිත්රපට උලෙළේදී ප්රථම වතාවට එළිදකින
ජෝක්වින් ෆීන්ක්ස් සහ ජෙරමි රෙනර් ප්රධාන චරිත නිරෑපණය කරන The
Immigrant චිත්රපටය ද කැපී පෙනේ.
එකම අප්රිකානු නියෝජනය - Grisgris
අප්රිකානු- ප්රංශ චිත්රපට
අධ්යක්ෂවරයෙක් වන මහමත් සලේ හරෝයුන්ගේ චිත්රපටයක් වන Grisgris මෙවර අප්රිකානු මහද්වීපය නියෝජනය කරන එකම
සිනමාපටය වී ඇත.සෝලේමන් ඩෙමේ, මේරියම් මොනොරි, සිරිල් ගියුඒ සහ මේරියස් යේලෝලෝ ප්රධාන
චරිතය නිරෑපණය කරන මෙම චිත්රපටය නර්තන ශිල්පියෙකු වීමට සිහින මවන 25 හැවිරිදි
ආබාධිත තරැණයකු වටා ගෙතෙන්නකි.පසුගිය වසරේ ඔක්තෝබර් මස 29 වැනිදා ප්රදර්ශනය ඇරඹි
මෙම සිනමාපටය, ප්රංශ - අප්රිකානු සම නිෂ්පාදනයක් වේ.
පස්වැනි වතාවටත් සොරෙන්ටිනෝගේ
චිත්රපටයක්
This Must Be the Place(2011),
IL Divo(2008), The Family Friend (2006) සහ The Consequences of Love (2004) යන චිත්රපට
වෙනුවෙන් සිව් වතාවක්ම කාන්ස් චිත්රපට උලෙළ නියෝජනය කිරීමට වරම් ලැබූ ඉතාලි ජාතික
පාඕලෝ සොරෙන්ටිනෝගේ The Great Beauty නම් නවතම චිත්රපටයද
මෙවර උලෙළ සඳහා සුදුසුකම් ලබා ඇත.ඒ අනුව ඔහු 2008 වසරේ “IL Divo * චිත්රපටය වෙනුවෙන් විශේෂ ජූරියේ සම්මානයක් දිනා ගැනීමටද සමත්
විය.
Un Certain Regard
කොපලා පවුලෙනුත් චිත්රපටයක්
ඔස්කාර්
සම්මානලාභී අධ්යක්ෂවරියක වන සොෆියා කොපලාගේ පස්වැනි චිත්රපටය The Bling Ring ය.කොපලා සිනමා පවුලේ එකම කාන්තා නියෝජනය
වන කොපලාගේ මෙම චිත්රපටය ත්රාසයෙන් පිරි වෘත්තාන්තයකි.ලබන ජුනි මස 14 වැනිදා
තිරගත කිරිමට නියමිත The Bling Ring, සත්ය සිදුවීමක්
අලළා නිර්මාණය වූවකි.අන්තර්ජාලය හරහා කෙරෙන ගනුදෙනුවක් පාදක කරගත් මෙම සිනමාපටය
යොවුන් කණ්ඩායමක් වටා ගෙතෙන්නකි. මෙහි ප්රධාන
චරිතය ජනප්රිය නිළි එමා වොට්සන් රඟපාන්නීය. ලින්ඩ්සේ ලෝහාන් ආරාධිත රංගනයකද නිරත
වන්නීය.
ඉරාක අධ්යක්ෂවරයෙකුගේ
චිත්රපටයක් !
My Sweet
Pepperland නම් මෙම චිත්රපටය අධ්යක්ෂණය කළේ වයස අවුරැදු 17දී
තම ජිවිතය රුකගනු වස් ඉරාකයෙන් පිට වූ,දැනට ප්රංශයේ ජීවත් වන හුනර් සලීම් විසිනි.
ඔහුගේ චිත්රපටයේ කතාවට ප්රස්තුතය වන්නේද මෙවැන්නකි.එනම් චිත්රපටයේ ප්රධාන කතා
තේමාව ගලා යන්නේ බාරන් නම් ඉරාකයේ යුද වීරයෙකු වටාය.එනම් පශ්චාත් යුද සමයේ කතා
පවුතක් වන මෙම චිත්රපටය ප්රංශය සහ ජර්මනියේ සම නිපැයුමකි.
Gala
Screening
බොලිවුඩය
සහ හොලිවුඩය එක්වූ සන්ධිස්ථානීය වසරක් ලෙස මෙවර මෙම අංශය යටතේ ප්රදර්ශනය වන Bombay Talkies චිත්රපටය දක්වාලිය හැකිය. තරගකාරී වටයට
ඇතුළත් නොවුණද, බොලිවුඩයේ චිත්රපට අධ්යක්ෂවරැන් සිව්දෙනෙකුගේ එක්වූ මොහොතක් සේ
මෙය හැඳින්විය හැකිය. කෙටි චිත්රපට හතරක එකතුවක් ලෙස දිගහැරෙන Bombay
Talkies හි පළමු චිත්රපටය වන “අජීබ් දාස්තාන් හේන්“ යේ අධ්යක්ෂණය
කර ඇත්තේ කරන් ජොහාර් විසිනි.“ස්ටාර්“ චිත්රපටය අධ්යක්ෂණය කර ඇත්තේ දිබාකර්
බනර්ජි විසිනි.ශීලා කි ජවානි අධ්යක්ෂණය කර ඇත්තේ සෝයා අක්තාර් විසිනි. “මුරාබ්බා“
අධ්යක්ෂණය කර ඇත්තේ අනුරාග් කාශ්යප් විසිනි.
මාලන් විදානපතිරණ
තරැණයා හොලිවුඩ්
2013/05/12
