කොල්ලන්ට එරෙහිව කෙල්ලන්ගෙන් ගේමක් විසේකාරියෝ -2012/12/22

(සංකල්ප)

විසේකාරියෝ කියන්නේ ග්‍රීක නාට්‍ය රචකයෙක් වෙන ඇරිස්ටොෆනීස්ගේ Drama එකක්. මේකේ මුල් කෘතියේ නම "Lysistrata“' ඒක සුඛාන්ත (Comedy) නාට්‍යයක්. ඒත් මේක අපේ රටට පරිවර්තනය වුණේ ඊයේ පෙරේදා දවසක.ඒ ප්‍රියංකර රත්නායක අතින්.ඒ වගේම මේක සිංහලයට පරිවර්තනය කරලා තියෙන්නේ අරැණ ප්‍රේමරත්න කියලා කෙනෙක්.ඒක තනිකරම කොල්ලන්ට විරැද්ධව කෙල්ලෝ ගෙනියන අමුතුම ගේමක් ගැන කියන

නාට්‍යයක්. මට ඇහුණා කොටා නිකං පොරක් වගේ ගැන කියවනවා.

හැබැයි ඌ එහෙම කිව්වට මේක ධර්මප්‍රිය ඩයස් “ගැහැණු වැඩ අරඹති“ කියලා මීට

ඉස්සරත් හදලා තියෙනවා. අපිට ඒ ගැන පස්සේ ආරංචි වුණා.ඒ කොහොම වුණත් කොල්ලන්ට විරැද්ධව කොහොමද කෙල්ලෝ ගේමක් දෙන්නේ කියලා බලන්නත් එක්ක අපිත් ගියා මේක බලන්න. අපි ගියේ ලයනල් වෙඩ්ට් එකේ හතේ ෂෝ එකට.මාත් එක්ක

එදා කොල්ලෝ කීපදෙනෙක් ගියා. හැබැයි උන් එකෙක්වත් ඉස්සර නම් වැරදිලාවත් නාට්‍යයක් බලපු එවුන් නෙමෙයි. ඒ නිසා ඒක නව වැනි ලෝක පුදුමය විදිහට ඉතිහාස ගත වෙයි. හැබැයි කුණු ටෙලිනාට්‍ය බලලා බලලම එපා වෙලා නිසා ආවද කියලත් මට පස්සේ හිතුණා.මොකද ඒවායේ රඟපාන්නේම එකම නළුවා. රඟපාන්නේම එකම නිළිය.ඒ විතරක් නම් කමක් නැහැ. එකම ස්ටෝරි එක. එකම චරිතය.ඒ නිසා දැන් ටී.වී එකේ මොන පැත්ත කැරකුවත් එකයි.

අපි ගිය දවසේ එච්චර සෙනඟක් හිටියේ නැහැ. මොකද එදා ටිකක් හයියෙන් වැස්ස. අනික 1 st ෂෝ එක. අනික මේවා අපේ එවුන්ට තාම මේවා ටිකක් අමුතුයිනේ. ඒකයි. කොහොම වුණත් 1^st Seen එක දැක්කට පස්සේ මට "අම්මටසිරි" කියලා කියවුණා. හිටපු විදිහට මුන් කෙල්ලොද කියලා හිතුණා.විලිලැජ්ජාවේ සන්තෝසේ බෑ. බලන් හිටියේ නිකං අපිව කන්න වගේ. බැලින්නම් පස්සේ තමයි අපි සීන් එක දැනගත්තේ. ඒ නිසා මුලින්ම අර කුතුහලය

ද මොකක්ද කියන මෙව්ව එක නිසා අපිත් දිගටම ස්ටේජ් එක දිහා බලන් හිටියා.

කෙල්ලොන් ටික පරක්කුලු. ඒකලු මල පැනලා ඉන්නේ. ඉතින් ඕක මල පනින්න දෙයක්යැ. මේක සිරි ලංකාවනේ.

මට නිකමට හිතුණා.( ආහ් ! ඒ වුණාට මේක ග්‍රීක කතාවක්නේ. ඒකයි මේගොල්ලෝ කලබල වෙලා ඉන්නේ. මට පස්සේ සීන් එක ක්ලික්වුණා.)

 “Drama එකට Base කරන් තියෙන්නේ ඇතැන්ස් සහ ස්පාටා පෞර රාජ්‍යවල  යුද්ධයක්. “ මේ අස්සේ චූලා ලොකු ටෝකක් දුන්නා.

කතාව මෙහෙමයි.කරැමෙට මේ යුද්ධේ දිගින් දිගටම ඇදෙනවා. මේ හින්දා පුත්තු නැතුව,අම්මලා දුක් විඳිනවා. කොල්ලෝ නැතුව අහිංසක කෙල්ලෝ ටික දුක් විඳිනවා. පව් අප්පා ! මට පස්සේ  හිතුණා. කෙල්ලෝ මග බලාගෙන හිටියට පිරිමි

ගෙදරට එන්නේ මාසෙකට සැරයලු.ඉතින් ගෙදර ඉන්න කෙල්ලෝ ටික කොල්ලෝ එනකං මග බලාගෙන ඉන්නවා.අතේ ඇඟිලි ගණන් කරනවා.  වයිෆ්ලා මග බලාගෙන ඉන්නවා. අම්මලා පඩිය උඩට වෙලා බලාගෙන ඉන්නවා.ඒත් යුද්දේ ඉවර වෙන පාටක් නැහැ. කට්ටියගේ රතු කට්ට පනින්නේ මේ හින්දා. කට්ටිය සෙට් වෙන්නේ මේ හින්දා. මේ යුද්දේ නවත්තලා, තමන්ගේ පිරිමි ටික ආයේ ගෙදෙට්ට ගෙන්න ගන්න විදිහක් තමයි කට්ටිය කල්පනා කරන්නේ.ඉතින් සමහරැ කියනවා අපි හොඳට ඇඳගෙන

ලස්සනට ඉමු කියලා. සමහරැ තව තව දේවල් කියනවා.ඒත් ලයිසිස්ට්‍රාටා මේ මොකටවත් කැමැති වෙන්නේ නැහැ. 

එයලා කියන්නේ අපි දැනෙන වැඩක් සෙට් කරමු කියලයි.නොදකින් විතරක් ! කට්ටියගේම ලීඩර් ලයිසිස්ට්‍රාටා නිසා කට්ටියම ඒකට “හා“ කිව්වා. අපිත් එතකොට කට ඇරගෙන බලන් හිටියා.මොකද මේක දැනෙන වැඩක්නේ.අනික ෆිල්ම්වල මේවා කොටු කොටු දාලා පෙන්නුවට,ස්ටේජ් ඩ්‍රාමාවල එහෙම පෙන්නන්න බැහැනේ.  (කොල්ලොන්ගේ වල් හිත් දන්නවනේ.) ඊට පස්සේ අපි පිරිමින්ට හොඳට දැනෙන දෙයක් කරමු කියලා ලීඩර් නංගී ආයෙත් කිව්වා. අප්පටසිරි ඒ කියන්නේ අපිව ඇඳෙන් බස්සන්නේ නැතුව ඇඳේම තියාගන්න ක්‍රමයක්වත්ද ? ඒ පාර අපිට හිතුණා. නැහැ අප්පා. එහෙම

දෙයක් නෙමෙයි.කෙල්ලෝ කියන්නේ  යුද්ධය නවත්තනකං අපිට ඇඳට එන්න දෙන්නේ නැතිලු. ලිංගික වර්ජනයක්ලු. මළ එළියයි. අපේ තුන් හිතකවත් තිබ්බේ නැහැ මේ වගේ අවලං අදහසක්.කට්ටියම කියනවා යුද්ධය නවත්වනකම් පිරිමින් එක්ක එකට ඇඳේ නිදා ගන්නේ නැහැ කියලා.ඒ මදිවට එනකොට ගෙවල්වල දොරවලුත් වහනවලු. ඒ හින්දා යුද්දේ අතරතුර ගෙදර එන පිරිමින්ට කන්නත් නැහැ. බොන්නත් නැහැ.ඉන්නත් නැහැ. වර්ජනය නිසා අරවත් නැහැ. මොකද කට්ටියම කලින්ම ප්ලෑන් කරලා ආණ්ඩුවේ භාණ්ඩාගාරයත් අල්ලගෙන. ඒක තියෙන්නේ දේවස්ථානයේ. කට්ටියම කියන්නේ තමන්ගේ වැඩේ කෙරෙනකං ගෙදර එන්නේ නැහැ කියලයි. අනික මේකට දෙපැත්තෙම ගෑණු ටික ෆුල් සපෝර්ට්.ඒ හින්දා කොල්ලන් දැන් ෆුල් හොල්මන්. උන් විතරක් නෙමෙයි ඒක බලපු අපිත් දැන් ෆුල් හොල්මන්.ඒ හින්දා මායි ෂැගියායි කට ඇරගෙනමයි.ජිල් බුට්ටා ස්ටේජ් එක ගිල ගන්න වගේ.ඒ මදිවට බබියා භීරාන්ත වෙලා. ඌටත් හිතාගන්න බැහැ වෙන්නේ මොනවද කියලා.ඒ අස්සේ කොටා නිකම් පොර වගේ හක හක ගානවා.

මේ හින්දා අපි තමයි වෙන්ඩ්ට් එකෙන් අන්තිමටම ගියේ. අපි එච්චරට ෂොක් වෙලා.හැබැයි කොටා ඇරෙන්න. නාට්‍ය ඉවරවෙනකංම නාට්‍ය ඉවර වුණාද කියලා තේරැණේ නැහැ.

ඒ හින්දා අපි එදා රූම මේකට ඉක්මන් පියවරක් ගත්තා. හරියට පොලිස් පරීක්ෂකයෝ වගේ.හැබැයි අපිට නම් ඒකට එච්චර වෙලා ගියේ නැහැ. ඒ අනුව අපි නිරීක්ෂණය මගින් නිගමනයකට ආවා. නාට්‍යය ආයෙත්  බලන්න තීරණය කළා. මොකද මං අහලා තියෙනවා බලපු නාට්‍යයක් ආයෙත් බැලුවම ඒක ඇත්තටම රියල් එකක්ද කියලා හොයාගන්න පුළුවන් කියලා. ඕක හැබැයි කව්රැ හරි පොරක් තමයි කියලා තියෙන්නේ. ඒත් මේ පාර නම් ලොකු කොල්ලෝ සෙට් එකක් එකතු කරගෙන තමයි මේක බලන්නේ.මොකද  එතකොට තමයි අපිට අනික් උන් ෂොක් වෙනකොට, මේක ගැන පම්පෝරි ගහන්න පුළුවන් වෙන්නේ. කොහොමද අයිඩියා එක ! Hikz