මගේ පුටුව ආක්‍රමණය කළ ජිල් බුට්ටා -2014/04/18

අට වසරේ විද්‍යාව උගන්නපු මුතුකුඩ මිස්ට මම තාම බයයි.ඒ නපුරු සැර මූණ මට තාම මැවිලා පේනවා.ඒ නිසාමයි දවසක් පරක්කු වෙලා පන්තියට එන මම, මුතුකුඩ ටීචර් ඈත එනවා දැකලා පන්තියට හයියෙන් දිව්වේ. මොකද මුතුකඩ ටීචර්ගේ පන්තිය පාස් කරගෙන තමයි අපේ පන්තියට යන්න තිබ්බේ. ඒත් එදා ඒ ඉක්මන කොට වුණා.මුතුකුඩ ටීචර්ගේ පන්තියේ ළමයෙක්ගේ කකුලේ මම හැප්පුණා. මගේ මතකය නිවැරදි නම් මම හැප්පුණේ Thivanka Madusanka ගේ කකුලේ නිකට කඩාගත්ත මම නතරවුණේ කොළඹ ජාතික රෝහලේ හදිසි අනතුරු අංශයේ.ඉන්පස්සේ සති දෙකක් විතර ඉස්කෝලේ නොගිහින් ගෙදර ඉන්න මට සිද්ධ වුණා.

ඒ අතරේ අපේ පන්තිය අලුත් වෙලා.මම මැහුම් පිටින්ම පන්තියට එද්දී මම වාඩිවෙලා හිටපු පුටුවයි ඩෙස්ක් එකයි වෙන කෙනෙක්ට අයිති වෙලා. හැබැයි මැහුම් දාගෙන පන්තියට ආපු මුල්ම දවසේ මම වේලාසනින් ආපු නිසා මට මගේ අයිතිය ආයෙත් හිමිවුණා.මට Kasun Piyamantha කිව්වා අලුත් ළමයෙක් පන්තියට ඇවිත් කියලා.එයා ප්රආවීණ සංගීතඥයකුගේ පුතෙක් කියලා කසුන් කිව්වා.මම බැලුවා කවිද මේ කියලා. ඒ Muditha Madawa උඹ මචං.මම දැක්ක මුල්ම දවසේ ඉඳන්ම උඹ හිනාමුසු මුහුණින් තමයි පන්තියට ආවේ.ඩෙස්ක් එකකයි පුටුවකයි ප්රරශ්නයක් තිබ්බත් අපි ඒක සාම සාකච්ඡාවලින් බේරාගත්තා. ඒත් මගේ හිතේ විශාල කුතුහලයක් තිබ්බා එදා උඹ එක්ක කතා කරනකම්.උඹ Navarathna Gamage පුතා කියලා දැනගත්තට පස්සේ මට මේක තාත්තාට කියනකම් ඉවසිල්ලක් නැතුව ගියා. ඉන්පස්සේ අපේ තාත්තා සහ නවේ අන්කල් මේ ගැන දැනගන්නකම් තත්පරයක්වත් ඉන්න මට බැරි වුණා.ඒ එක්කම උඹේ තාත්තගෙන් කෝල් එක ආවා(මට ඒක නම් මතක නැහැ). මට හරිම සතුටුයි. එදා ඉඳන් අපි දෙන්නගේ මිත්රආත්තවය දවසින් දවස අලුත් වුණා.

මට මතකයි දවසක් මුතුකුඩ මිස් නැති දවසක අලුත් D.P සර් ආවා. ඒ ප්රේ මරත්න සර්.සර් ඇවිත් ඇහුවා දැන් මොනවාද තියෙන්නේ කියලා.එතකොට විද්යාුව කිව්වම මොකක්දෝ සතුටක් සර්ට ඇතිවුණා. සර් කිව්වා මම දැන් ප්රිශ්නයක් අහනවා උත්තර දෙන්න කියලා. අපි ඔක්කොම තුෂ්නිම්භූත වෙලා හිටියේ.

“ඔය පිටිපස්සේ පේළියේ බිත්තය කෙළවර ඉන්න ළමයා නැගිටින්න“ සර් කිව්වා.

එතැන හිටියේ Muditha උඹ.උඹ ඇවිල්ලා දවස් ගාණයි ගත වෙලා හිටියේ. මම බැලුවා උඹේ මූණ දිහා. උඹ ටිකක් බයවෙලා හිටියේ.ඒත් උඹ ඒ බය නොපෙන්නා ඉන්න විශාල උත්සාහයක් ගත්තා.

“පූටිකාවක් යනු කුමක්ද ?“ සර් ඇහුවා.

කට්ටිය තක් බීරි වුණා.මොකද ඔය පාඩම ඉස්සරහට තිබ්බ පාඩමක්.ඒ නිසා මට උඹ ගැන සිරාවටම දුක හිතුණා මචං.

උඹ දන්න විදිහටම උත්තරයක් දුන්නා. ඉන්පස්සේ සර් උඹ ගැන විස්තර ඇහුවා.හැබැයි උඹ තාත්තාගේ ජනප්‍රියත්වයෙන් ප්රුයෝජන ගන්න උත්සාහ කළේ නැහැ.ඒ ලක්ෂණය නම් උඹේ අදත් තියෙනවා.

අට වසරේ අන්තිම වාරය මට කවදාවත් අමතක වෙන්නේ නැහැ. හත වසරේ තමයි අපේ විභාග ශාලාව තිබ්බේ. ඒ කියන්නේ සංගීත කාමරේ උඩ තට්ටුව.  

මට ගණන්වලට වැඩිම ලකුණු තිබ්බේ අට වසරේ අන්තිම වාරේ (ලකුණු 90).ඒ වාරයේදී තමයි මම ගණන් පේපරේ ඉක්මනටම ඉවර කළේත්.ඉන්පස්සේ මම වටපිට බැලුවා.එතකොට උඹ මොකක්ද්දෝ ගාණක හිරවෙලා.එකපාරම උඹ මගේ දිහා බැලුවා.මම ඇහුවා උදව්වක් ඕනෙද කියලා. හැබැයි උඹ හිටියේ පන්තියේ අනික් කෙළවරේ.ඒත් මම ආයෙත් ඇහුවා. උඹ ඔළුව වැනුවා.උඹ අවදානමක් ගන්න කැමැති නැති බව මට තේරුණා එතකොට.

අපි ඉන්පස්සේ ඉස්කෝලේ වගේම ඉස්කෝලෙන් පස්සේ ආනන්දේ පිහිනුම් තටාකේදි හම්බවුණා. මම පොඩිපූල් එකේ පොඩි එවුන් එක්ක පුරුදු වෙනකොට උඹ ලොකු පූල් එකේ ලොකු එවුන් එක්ක පීනනවා මම දැක්කා.ආනන්දේ පැවිලියන් එකේ ඉඳගෙන උඹේ අම්මත් ඈත ඉඳන් උඹ දිහා බලන් ඉන්නවා මම දැක්කා.අපේ තාත්තාත් ටික වේලාවකින් එතැනට ආවා මාව එක්කන් යන්න.ඉන්පස්සේ තිබුණු මුල්ම Parents Meeting එකේදී අපේ අම්මත් උඹේ අම්මා එක්ක යාළු වුණා. මට හරි සතුටුයි. “දැන් අපි හැමෝම අනික් කෙනාව දන්නවා“.

මේ ලිවිල්ල එක්තරා පිස්සුවක් වෙන්න පුළුවන්.ඒත් ලිවිය යුතු දෙයක්.ඉන්පස්සේ නොයෙක් දේ සිදුවුණා.

අපි ඉන්පස්සේ නවය වසරේදිත් හම්බවුණා. උඹ පිටිපස්සේ මුල්ලකට ගිහින් බුලට් විදින්න හරිම දක්ෂයි. දවසක් ඉන්ද්‍රපාල සර්ට මාට්ටු වුණාම උඹ කිව්වලු “සර් මම කොහොමද බුලට් විදින්නේ මගේ රබර් පටියත් කැඩිලනේ“ කියලා. මොකද එවෙලේ රබර් පටිය කැඩිලලු තිබ්බේ. 

උඹ කඩ්ඩට පට්ට දක්ෂයෙක්. මොනවාට ලකුණු අඩු වුණත් කඩ්ඩට ලකුණු අඩු වුණොත් උඹට අප්සට්.නවය වසරේ එක වාරයකදි උඹට ලකුණු තිබ්බේ හැත්තෑවයි. ඒ වාරේදි මටත් හැත්තෑවයි.ඒත් මට සාපේක්ෂව මට නම් ඒ ලකුණු ගාණ ඉහටත් උඩින්.ඒත් උඹ අප්සට්. කියාගන්න බැරි දුකකින් හිටපු බව මට දැනුණා. මම හරි නම් උඹ ඒ වෙනකොට බ්‍රිටිෂ් කවුන්සිල් යනවා. ඒ නිසා වෙන්න ඇති.

ඒ කොහොම වුණත් උඹට නව වසරේදි පැපොල් හැදිලා සති ගාණක් ඉස්කෝලේ එන්න බැරි වුණා.ඒ නිසා නවේ අන්කල්ට උඹේ පොත් ටිකයි, රිපෝට් එකයි දුන්නේ මම. මොකද නවේ අන්කල් දැනන් හිටියේ මාව විතරයි එතකොට.

ඒ කොහොම වුණත් ඉන්පස්සේ උඹ අපිට සීඩි රයිට් කරලා දීපුවා,ෆිල්ම් දීපුවා,ලැප්ටොප් ගන්න ගිය දවසේ අපිත් එක්ක ඊට කලින් දවස් දෙකක් ඇවිත් ඒක අරන් දෙන්න උදව් කරපු එකට, සින්දු දීපුවා,මැෂින් කැඩුණාම ඒක හදලා දීපුවා කවදාවත් අමතක වෙන්නේ නැහැ.ඒකට මම අදත් උඹට මම ණයයි.  

සාමය වෙනුවෙන් මකරුන්ට එරෙහිව සටන් වදින කෝඩුකාරයෝ How to Train Your Dragon 2 2014/07/24

සාමය වෙනුවෙන් මකරැන්ට එරෙහිව සටන් වදින කෝඩුකාරයෝ

How to Train Your Dragon 2

Introduction

How to Train Your Dragon චිත්‍රපට මාලාවේ දෙවැන්න වන How to Train Your Dragon 2 චිත්‍රපටය මේ දිනවල වැල්ලවත්ත සැවෝයි ත්‍රිමාණ සිනමා ශාලාවේ සාර්ථකව තිරගත වේ.ඇමෙරිකානු චිත්‍රපටයක් ලෙසින් ඔබ වෙත පැමිණෙන මෙම ත්‍රිමාණ සජීවිකරණ චිත්‍රපටය ක්‍රියාදාමවලින් පිරි ෆැන්ටසි ගණයේ නිර්මාණයකි.

Crew

ඩ්‍රීම්වර්ක් ඇනිමේෂන් වෙනුවෙන් බොනී ආනොල්ඩ් නිපැයූ මෙම චිත්‍රපටයේ කතාව සඳහා පාදක වන්නේ ක්‍රෙසිඩා කොවෙල් විසින් රචනා කරන ලද How to Train Your Dragon තුන් ඈඳුතු කතා මාලාවයි. 2010 වසරේදී කළ පළමු චිත්‍රපටයෙන් ලද සාර්ථකත්වය මෙහි දෙවැන්නක් සඳහා බලපෑ අතර විචාරකයන්ගෙන්ද ධනාත්මක විචාරයන්ට බඳුන් වීම මීට ප්‍රබල ලෙස බලපෑවේය.කෙසේ වෙතත් මෙවර චිත්‍රපටයේ තිර රචකයන් මෙන්ම අධ්‍යක්ෂවරයාද වෙනස්වීමට බඳුන් වී ඇති අතර ක්‍රිස් සෑන්ඩර්ස් සහ ඩීන් ඩේබ්ලොයිස් සම අධ්‍යක්ෂණය කළ පළමු චිත්‍රපටයේ අධ්‍යක්ෂණය මෙවර ඩීන් ඩේබ්ලොයිස්ට පමණක් භාර දී තිබේ.එසේම විල් ඩේවිස්,ඩීන් ඩේබ්ලොයිස් සහ ක්‍රිස් සෑන්ඩර්ස් සම තිර රචනය කළ පළමු චිත්‍රපටයේ මෙවර තිර රචනයට ඩීන් ඩේබ්ලොයිස් පමණක් දායක වී ඇත.

Synopsis 

හිකප් ඇතුළු යහළුවන් දැන් කෝඩුකාර ගැටවරයන්ය.කෙසේ නමුත් නැවතත් අභියෝගයකට සැරසීමට ඔවුන්ට සිදුවේ.ඒ මකර තරගයකටයි.එහෙත් මෙවර පිටස්තර ලෝකයන් සොයා යන ඔවුන් ගගන අතික්‍රමණය කරයි.අලුත් ලෝකයන් දකිමින්,ඒවායේ සිටින අභියෝගාත්මක මකරැන් සමගින් සටන් වදී.සාමය සුරුකීමට දැඩි වෙහෙසක් දරයි.ඒ අනුව මකරැන්ගේ බලයෙන් වෙනස් විය හැකි අනාගතය රුක ගැනීමට හිකප් ප්‍රමුඛ යහළු කැල සමත් වේද ? චිත්‍රපටයේ කතා රසය ඇත්තේ එතැනයි.   

Cast -  Voice

හිකප් -ජේ බරැචෙල්

වැල්කා - කේට් බ්ලැන්චෙට්

ස්ටොයික් - ජෙරඩ් බට්ලර්

ගොබර් - ක්‍රෙග් ෆර්ගසන්

ඇස්ට්‍රිඩ් - ඇමෙරිකාන ෆෙරෙරා

ස්නොට්ල්අවුට් -ජොනා හිල්

Production

නිෂ්පාදකවරැන් විසින් How to Train Your Dragon චිත්‍රපටයේ දෙවැන්නක් නිර්මාණය වන බව 2010 වසරේ අප්‍රේල් මාසයේදීම නිවේදනය කළ අතර එය මේ වසරේ ජුනි මස නිකුත් කිරීමට පළමුව පිඹුරැපත් සැකසිණ.එහෙත් මෙවර ඩේබ්ලොයිස්ට පමණක් අධ්‍යක්ෂණ කාර්යය පවරද්දි ඔහු ඊට කොන්දේසියක් පැනවූ අතර එය නම් තමන්ට මෙහි තෙවැනි චිත්‍රපටයත් ලබාදෙන්නේ නම් පමණක් මෙය අධ්‍යක්ෂණය කරන බවයි.ඊඨ එකඟවීමත් සමග 2012 වසරේ ජුනි මස 19 වැනිදා මෙහි නිර්මාණ කටයුතු ඇරඹුණු අතර පළමු චිත්‍රපටයේ හඬ නළුවන් දෙවැන්න සඳහාත් යොදා ගන්නා බැව් නිවේදනය කෙරැණි.පළමු චිත්‍රපටයේදී උතුරැ මුහුද මෙහි ප්‍රධාන පසුබිම වුවද දෙවැන්නේදී එය බොහෝ දුරට වෙනස්කම්වලට භාජනය වූ අතර එය වෙනස්ම ක්‍රමවේදයකට සිදුවිණ.එසේම මෙහිදි නිෂ්පාදන සංවර්ධන නිර්මාණකරැවන් දොළොස්දෙනෙකු පමණ නෝර්වේහි දීර්ඝ කාලයක් මෙහි පර්යේෂණය කටයුතු වෙනුවෙන් වැය කළ අතර අධ්‍යක්ෂ ඩේබ්ලොයිස් සමග ඩ්‍රීම්වර්ක්ස් නිෂ්පාදන සමාගමේ වෘත්තාන්තමය අංශයේ ප්‍රධානී ග්‍රෙග් ටේලර් සහ දෘශ්‍ය රෑප උපදේශක රොජර් ඩීකින්ස්ට මෙහිදී මේ වෙනුවෙන් දැඩි පරිශ්‍රමයක් දැරීමට සිදුවිණ.2002 වසරේ තිරගත වූ Lilo and Stitch චිත්‍රපටය මෙහිදී විශේෂයෙන්ම භාවිතයට ගැනිමට සිදුවූ බව පවසන අධ්‍යක්ෂවරයා,සජීවිකරණ චිත්‍රපටයකදි නිෂ්පාදනයට පෙර බොහෝ තැන්වල සංචාරය කළ යුතු බවද මෙම චිත්‍රපටයෙන් පසුව පැවැති සම්මුඛ සාකච්ඡාවකදී පැවසුවේය.ජෝන් පවෙල්ගේ සිනමා සංගීතයෙන් නාද රටා සිත්තම් වූ මෙම චිත්‍රපටය නව වාර්තාවක් තබන්නේ Scalable multi-core processing තාක්ෂණය යොදා ගනිමින් කළ පළමු සිනමා නිර්මාණය ලෙසයි.එසේම නව සජීවිකරණ සහ ආලෝකකරණ තාක්ෂණික මෘදුකාංගයක් යොදා ගනිමින් කළ පළමු චිත්‍රපටය ලෙස සැළකෙන මේ හරහා සංවේදී භාව සියුම්ව රෑපණය කිරීමට නිර්මාණකරැවන් සමර්ථකම් දක්වා ඇත. ඒ අනුව සමස්ත නිෂ්පාදනය වෙනුවෙන් පන්සියයක අධික පිරිසක් තම ශ්‍රම දායකත්වය ලබා දී ඇති විදෙස් වාර්තා සඳහන් කරයි.

Release

මේ වසරේ පැවැති කෑන්ස් චිත්‍රපට උලෙළේදී මැයි මස 16 වැනිදා පළමුවරට ප්‍රදර්ශනය වූ How to Train Your Dragon 2,නිල වශයෙන් තිරගත වීම ඇරඹුණේ ජුනි මස 13 වැනිදාය. මෙය IMAX 3D තාක්ෂණය ඔස්සේ මෙදිනම තිරගත වූ අතර මේ වසරේ නොවැම්බර් මස 11 වැනිදා ඩීවීඩී පට සහ බ්ලූ - රේ (2D සහ 3D) වශයෙන් නිකුත් වීමට නියමිතයි.

Box Office

පළමු දිනදී ඇමෙරිකාවෙන් පමණක් ඇ.ඩො. මිලියන 18.5ක ආදායමක් අත්පත් කර ගත් How to Train Your Dragon 2 චිත්‍රපටය, පළමු සති අන්තය නිම වන විට ඇ.ඩො. මිලියන 50කට ආසන්න ආදායමක් උතුරැ ඇමෙරිකාවෙන් වාර්තා කිරීමට සමත් විය. ඒ අනුව මෙම චිත්‍රපටය පසුවූයේ එම සති අන්තයේදී වැඩිම ආදායමක් උපයා ගත් චිත්‍රපට අතර දෙවැනි ස්ථානයේය. මෙය දෙවැනි වූයේ “22 jump Street* චිත්‍රපටයට පමණි.දෙවැනි සති අන්තයේදී තවත් ඇ.ඩො. මිලියන 24ක අත්පත් කර ගනිමින් චිත්‍රපට දර්ශකයේ තුන්වැනි ස්ථානයට පත් මෙම චිත්‍රපටය තෙවැනි සති අන්තයේදීත් තෙවැනි ස්ථානයේම රුඳී සිටියේ  තවත් ඇ.ඩො. මිලියන 13කට අධික ආදායමක් අත්පත් කර ගනිමිනි.එහෙත් සිව්වැනි සති අන්තයේදී පස්වැනි ස්ථානය දක්වා පල්ලම් බසින ලද මෙම චිත්‍රපටය එම සති අන්තයේදී තවත් ඇ.ඩො. 9කට ආසන්න ආදායමක් උපයා ගැනීමට සමත් විය.මේ අනුව පසුගිය 17 වැනිදා වන විට ඇ.ඩො. මිලියන 160කට ආසන්න ආදායමක් උතුරැ ඇමෙරිකාවෙන් පමණක් උපයාගෙන,සෙසු රටවලින් අත්පත් කරගෙන සමස්ත ආදායම ඇ.ඩො.මිලියන 200කට ආසන්නය. “How to Train Your Dragon 2* චිත්‍රපටය මේ වන විට උපයාගෙන ඇති සමස්ත ආදායම ඇ.ඩො.මිලියන 350 ඉක්මවන්නේය.    

Sequel

How to Train Your Dragon චිත්‍රපට මාලාවේ මීළඟ චිත්‍රපටයේ නිෂ්පාදන කටයුතුද මේ වන විට ආරම්භ වී ඇති අතර එය නම් කර ඇත්තේ How to Train Your Dragon 3 ලෙසිනි.එම චිත්‍රපටය 2016 වසරේ ජුනි මස 17 වැනිදා තිරගත කිරීමට නිෂ්පාදන කණ්ඩායම සැලසුම් කර ඇත.මෙහි අධ්‍යක්ෂණය,නිෂ්පාදනය මෙන්ම හඬ නළුවන්ද පළමු චිත්‍රපට ද්විතවයේම නිර්මාණකරැවන් බව මේ වන විට තහවුරැ වී ඇති අතර ජෝන් පවෙල්ද මෙහි සංගීත නිර්මාපකයා ලෙස තෙවැනි චිත්‍රපටයට නැවතත් එක්වීමට නියමිතයි.

Video Game

පසුගිය මාසයේ නිකුත් වූ මෙම වීඩියෝ ක්‍රිඩාව නිර්මාණය කර ඇත්තේ ලිට්ල් ඕර්බිට් නම් සමාගම විසිනි. How to Train Your Dragon 2 ලෙසින්ම නම් කර ඇති මෙම ක්‍රීඩාව,මකරැන් තෝරා ගනිමින් ඔවුන් සමගින් තරග කළ හැකි ආකෘතියකට නිමවා ඇති අතර පුහුණුවීමේ කාල සීමාවක් මෙන්ම පියාසර කිරිම සඳහාද පාසැලක් ලබා ගනිමින් නියැලිය හැකි ආකාරයට සැලසුම් කර ඇත.එහෙත් මෙහි ක්‍රීඩා කළ හැක්කේ Xbox 360, Nintendo 3DS, Wii, Wii U හෝ PlayStation 3 තාක්ෂණය ඇති වැඩසටහන්වල පමණි.

මාලන් විදානපතිරණ              

Mgovindaw@gmail.com

Hercules 3D - Tharunaya - Feature - 2014.07.31

ත්‍රාසය පිරි සතියේ ෆැන්ටසිය

Hercules 3D

Introduction

මේ දිනවල බම්බලපිටිය මැජෙස්ටික් සිනමා සංකීර්ණයේ තිරගත වන නවතම ත්‍රිමාණ චිත්‍රපටය ලෙස හර්කියුලිස් සඳහන් කළ හැකිය. The Legend of Hercules ලෙසින් නවතම නිර්මාණය නම් කර ඇති මෙම චිත්‍රපටයේ, ත්‍රිමාණ පටය නම් කර ඇත්තේ Hercules 3D ලෙසයි.ක්‍රියාදාම පිරි ෆැන්ටසි චිත්‍රපටයක් වන මෙය අධ්‍යක්ෂණය කර ඇත්තේ රෙනී හාර්ලින් විසිනි. හාලින්  සමග ඩැනියෙල් ජියැට්, ජියුලියෝ ස්ටීව් සහ ෂෝන් හුඩ් තිර රචනය සඳහා දායකත්වය දී ඇති මෙහි හර්කියුලිස් සඳහා පණ පොවන්නේ කෙලන් ලුට්ස්ය. මෙවර වෙනස්ම ආකාරයකින් ප්‍රතිනිර්මාණය වී ඇති මෙම චිත්‍රපටයේ සෙසු චරිත සඳහා දායකත්වය ලබා දෙන්නේ ගායියා වෙයිස්,ස්කොට් අඩ්කින්ස්,රොක්සාන් මැක්කී,ලියාම් ගැරිගන්ය.බෝආස් ඩේවිඩ්සන්,ඩැනී ලර්නර්,ලෙස් වෙල්ඩන් සහ රෙනී හාර්ලින් සම නිෂ්පාදන දායකත්වය සැපයූ මෙහි සමස්ත පිරිවැය ඇ.ඩො. මිලියන 70කි.

Plot

මීට පෙර කතාව පරිදිම ක්‍රි.පූ.1200 ග්‍රීසියෙන් පටන් ගන්නා මෙහි කතා වස්තුව ත්‍රාසය,ජුගුප්සාව,භයංකාර බව,කුතුහලය ඔස්සේ මිනිසා බලය වෙනුවෙන් දරන පරිශ්‍රමය මෙන්ම මරණයට එරෙහිව ගෙන යන සටන්කාමී ජීවිතය අරබයා සියුම්ව ගෙතුණකි.  

Production

මිලේනියම් චිත්‍රපට සමාගම නිපැයූ මෙම චිත්‍රපටය සෑම් මැක්කර්ඩි විසින් සිනමා කැමරාකරණය කළ නිර්මාණයක් වන අතර මෙහි සංස්කරණය වින්සන්ට් ටැබෙයිලොන්ගෙනි. අසීරැ නාද රටා සංරචනය ටියුඕමස් කැන්ටෙලිනන්ගෙනි.

Release

ඇමෙරිකාවේ පමණක් පසුගිය ජනවාරි මස 10 වැනිදා නිකුත් වූ මෙම චිත්‍රපටය ලෝ පුරා තිරගත වීම ඇරඹුණේ පසුගිය මස අගදීය.චිත්‍රපටයේ ධාවන කාලය මිනිත්තු 99කි.                 

Box office

The Legend of Hercules චිත්‍රපටය පළමු සති අන්තය නිමා වෙද්දී ඇමෙරිකාවෙන් පමණක් ඇ.ඩො. මිලියන නවයකට ආසන්න ආදායමක් වාර්තා කිරීමට සමත් වූ අතර එය එම සතියේදී තෙවැනි වූයේ  Lone Survivor සහ Frozen යන චිත්‍රපටවලට පමණි.මේ වන විට ඇමෙරිකාවෙන් පමණක් ඇ.ඩො. මිලියන 20කට ආසන්න අත්පත් කරගෙන ඇති මෙම චිත්‍රපටය සෙසු රටවලින් ඇ.ඩො. මිලියන 42කට අධික ආදායමක් උපයාගෙන ඇත. කෙසේ වෙතත් මෙය නිෂ්පාදකවරැන්ගේ පැත්තෙන් අසාර්ථක නිර්මාණයක් වන අතර අධ්‍යක්ෂවරයාගේ ඉදිරි සිනමා ජිවිතය පිළිබඳ නැවත විමසීමක් සිදුවිය හැකි බැව් ඇතැම් විචාරකයන්ගේ මතයයි.

මදාරා ගුණතිලක

2014.07.10 සම්මුඛ සාකච්ඡාව -සෝනම් කපූර්

මම අධ්‍යක්ෂවරයා පස්සේ යන නිළියක් නෙමෙයි

-    - සෝනම් කපූර්

 

 මාලන් විදානපතිරණ

බොලිවුඩයට සුපිරි බොලිවුඩ් තරැ දෙකක් බිහි කළ චිත්‍රපටයක් ලෙස සන්ජේ ලීලා බන්සාලිගේ  “සාවරියා* සටහන් කළ හැකිය.සංජේ ලීලා බන්සාලිගේම “බ්ලැක්* ආදී චිත්‍රපටවල සහාය අධ්‍යක්ෂවරැන් වශයෙන් වැඩ කරමින් සිනමාව පිළිබඳ පරිචයක් ලැබූ මොවුන් වන්නේ රන්බීර් කපූර් සහ සෝනම් කපූර්ය. ඒ අනුව “සාවරියා* චිත්‍රපටයෙන් පසුව ඉන් නොනැවතුණු සෝනම්,  රන්ජානා, භාග් මිල්කා භාග් යන චිත්‍රපට හරහා කෝටි සියය ඉක්මවූ ආදායමක් ඉපයීමට තරම් සමර්ථ වූවාය. එහෙත් ඇය සෙසු බොලිවුඩ් නිළියන්ට වඩා තරමක් වෙනස් චරිතයකි.මේ ඇගේ සිනමා ජිවිතය ගැන ෆිල්ම්ෆෙයාර් සඟරාව කළ විමසුමකි.

“රන්ජානා* චිත්‍රපටය ලද සාර්ථකත්වයත් සමග ඔබ පිළිබඳ තිබූ හැඟීම වෙනස් වුණා නේද ?

ඔව්. අනික මමත් රෑපණ ශිල්පිනියක් විදිහට මගේ රංගනය ගැන හුඟක් හිතනවා. විශේෂයෙන්ම “දිල්ලි 6* සහ “සාවරියා* චිත්‍රපටයෙන් පස්සේ ඒ ගැන වැඩිපුර හිතන්න පටන් ගත්තා.ඒත් සමහර ප්‍රේක්ෂකයෝ නම් ඉන්පස්සේ මං දිහා ස්මිතා පටිල් වගේ බලන්නත් පටන් ගත්තා.සමහරැ ෂබානා අස්මි දිහා බලනවා වගේත් බැලුවා. මොකද චරිතාංග රෑපණ ශිල්පිනියක ලෙස මම හුඟක් සාර්ථකයිලු.  ඒත් මම කැමැති නම් කවුරැවත් වගේ වෙන්න.මට ඕනේ මං වෙන්න. ඒක මගේ විතරක් නෙමෙයි.හැම තරැණියකගේම සිතුවිල්ලක්.ඒත්  “I Hate Luv Storys* චිත්‍රපටය මාව වෙනස්ම දිශාවකට ඔසවා තැබුවා.ඒක මගේ සිනමා ජිවිතයේ හැරවුම් ලක්ෂ්‍යයක් කිව්වත් වැරුදි නැහැ.හැබැයි පිට පිට තිරගත වූ “රන්ජානා* සහ “භාග් මිල්කා භාග්* යන චිත්‍රපටවලදී මගේ රෑපණ පරාසය එක තැනකට කොටු වෙලා නැති බව ඔප්පු කළා.අනික “රන්ජානා* චිත්‍රපටයෙන් පසුව බොහෝ විචාරකයන් මම ගැන සුබවාදීව කතා කරලා තියෙනවා.ඒ පිළිබඳ මම සතුටු වෙනවා.ඒත් මම තමයි හොඳම නිළිය කියලා මම කියන්නේ නැහැ.ඒත් එහෙම තත්ත්වයකට එන්න බැහැ කියලා මම හිතන්නේත් නැහැ.

බොලිවුඩයේ මෙතෙක් බිහි වූ චිත්‍රපට චරිත අතරින් ලැබුණා නම් හොඳයි කියලා හිතුණු චරිත නැද්ද ?

මම කැමැති නැහැ එහෙම කතා කරන්න.මොකද මම කැමැති ලැබෙන චරිතය උපරිමයෙන් කරන්නයි.

“රන්ජානා* චිත්‍රපටය ස්ත්‍රිවාදී චිත්‍රපටයක්ලු.එවැනි රාමුවක්ලු.  එහි තිර කතාව තුළ තිබෙන්නේ.මේක ඇත්තක්ද ?

ඔවැනි මතයක් ගොඩනැගෙන්නේ ධනුෂ් කියන එක්තරා දෙබසක් හින්දා.ඒත් එක් තැනක තියෙන දෙබසක් තුළින් කොහොමද සමස්ත චිත්‍රපටයම ගැන අදහසක් ගන්නේ ? .ඒකට මුළු චිත්‍රපටයම කියවන්න ඕනේ.අනික එවැනි ස්ත්‍රිවාදී රාමුවක් මේ චිත්‍රපටයේ නැහැ.මොකද සෝයා කියන්නේ ඉතාම ධෛර්යසම්පන්න තරැණියක්.ඇගේ තීරණ බොහොම රළුයි.ඇය තමයි අනික මේ කතාවේ ප්‍රධාන කතා නායිකාවත්.ඒ නිසා ඒ චරිතය හරිම යථාර්ථාවාදීයි.මම පෞද්ගලිකවත් කැමැතියි ඒ චරිතයට.

බොලිවුඩයේ ඔබ කැමැතිම නිළියන් ලැයිස්තු ගත කළොත්.?

බෙබෝ (කරීනා කපූර්) තමයි මුලින්ම.මම ආදරෙයි ඇයට.ආලියා භාත් සහ විද්‍යා බාලන්ටත් එහෙමයි.ජැක්ලින් ෆර්නැන්ඩස් නම් මගේ හොඳ යාළුවෙක්.හැබැයි මම අධ්‍යක්ෂවරියක් වුණොත්,ආලියා භාත් තමයි මම අධ්‍යක්ෂණය කරන්න කැමැතිම නිළිය.ඇය තමයි මාව ඒ සඳහා හැම වෙලාවකම පොළඹවන්නේ.ඒ වගේ භාවයන් තමයි ඇගේ මුහුණේ තිබෙන්නේ.හරිම සිනමාත්මකයි.

විචාරකයන්ගේ සම්මාන උලෙළක් විදිහට සැළකෙන කෑන්ස් චිත්‍රපට උළෙලට සහභාගි වෙන්නත් ඔබ භාග්‍යවන්ත වුණා ?

ඔව්.ඇත්තෙන්ම.මම හුඟක් කැමැතියි ඒකට.හරිම කැමැත්තෙන් ප්‍රංශයට ගියේ.කිසිම මානසික ආතතියක් නැති පරිසරයක් ඒක.හැබැයි මම ගියේ නම් චිත්‍රපට බලන්න නෙමෙයි.මොකද මට ලැබී තිබුණේ නිරෑපිකාවක් විදිහට එම චිත්‍රපට උලෙළ වර්ණවත් කරන්න.

“සාවරියා* චිත්‍රපටය සාර්ථක වුණත් ඉන්පස්සේ ඔබ සහ රන්බීර්ව එකම චිත්‍රපටයකදී අපි දැක්කේ නැහැ ?

ඔව්.ඒත් ඒකට හේතුව නම් හරියට මම දන්නේ නැහැ.ඒත් ප්‍රේක්ෂකයෝ මගේ අනෙක් ප්‍රධාන චරිතයට ධනුෂ්,ෆර්හාන් අක්තාර්,අභිෂේක් බච්චන් වගේ රෑපණ ශිල්පීන් අනුමත කරන බවයි මට නම් හැඟෙන්නේ.

කවදාහරි සම්මුඛ පරීක්ෂණයකින් චරිතයක් ලැබිලා නැද්ද ?

මට එහෙම මෙතෙක් ලැබිලා නැහැ.එහෙම ලැබුණත් මට ඒක ප්‍රශ්නයකුත් නෙමෙයි.මම අධ්‍යක්ෂවරයා පස්සේ යන කෙනෙක් නෙමෙයි.එයා ඉස්සරහා වැඳ වැටිලා “අනේ මේ චරිතේ මට කොහොම හරි කරන්න දෙන්න* කියන කෙනෙකුත් නෙමෙයි.මොකද අධ්‍යක්ෂවරයාට හොඳ නම්,චරිතයට තමන් ගැලපෙනවා නම් ඒකට එයාගේ පස්සෙන් යන්න ඕනේ නැහැ.මම දන්න තරමින් හියු ජැක්මන් පවා එවැනි පරීක්ෂණවලට මුහුණ දීලා තියෙනවා.

සැලසුමක් ඇතුවද වැඩ කරන්නේ ?

ඔව්.මම මගේ චිත්‍රපට සාර්ථක වුණත් නැතත් චරිතයෙන් පස්සේ යමක් හදාරනවා. මැරෙන දවස වෙනකම්ම රෑපණයේ යෙදෙන්නයි කල්පනාව.මට ඕනේ මට ලැබෙන හැම චිත්‍රපටයකදිම හොඳම රංගනය ලබාදෙන්න. කෙලින්ම කිව්වොත් චිත්‍රපටයට වැඩිම දායකත්වයක් ලබා දුන් නිර්මාණකරැවා වෙන්නයි මට ඕනේ.

රෑපණය සඳහා ගුරැවරයෙක් හෝ වැඩමුළු සංවිධානය කළොත් ඔබ එයින් තෝරාගන්නේ මොකක්ද ?

එහෙම එකක කියන්න බැහැ. අපේ තාත්තා (අනිල් කපූර්) පවා හැම දර්ශනයකටම කලින් ඒ පිළිබඳ ගුරැහරැකම් ලබා ගත්තා.මමත් ඒකම තමයි කරන්න බලාපොරොත්ත්තු වෙන්නේ.  මම රෑපණ විධි ක්‍රමය ඉගෙන ගන්න අනුපම්  මාමාගේ (අනුපම් කේර්) රංගන පාසලටත් ගියා.ඒ අනුව  දිල්ලිවලදි මම තුන් මාසයක් වගේ කාලයක් “රන්ජානා* චරිතයට පුහුණු වුණා.“කූබ්සුරත්*ගේ වැඩමුළුවලටත් යන්නයි දැන් හිතන් ඉන්නේ.මම හිතන්නේ මේක අන්තර්ජාතික රෑපණ ශිල්පියෝ පවා කරන දෙයක්.මොකද මේක කලාවක්.ප්‍රගුණ කළ යුතු කලාවක්.නිතර අභ්‍යාසයේ යෙදිය යුතු කලාවක්.